Кеше, Ақан сері атындағы аудандық мәдениет үйінде дәстүрлі әнші Сәрсенбай Хасеновтың Ақан сері қорамсаұлына арналған "Жігіттің падишасы" атты кітабының тұсаукесері мен Үкілі Ыбырайдың 165 жылдығына арналған "Аяулы мекен Айыртау" тақырыбында шығармашылық кеші өтті. Кешке арнайы қонақтармен бірге мектебіміздің оқушылары қатысты. Қара домбырасын жанына серік етіп, дәстүрлі өнерді халқына сыйлап жүрген дарынды әнші өнердегі жолын әңгімелеп, дәстүрлі әндерін сыйға тартты.
Дәстүрлі ән – ғасыр өтсе де бояуы кеппес асыл сөздердің, әуез бен ішкі рух жемісінің жиынтығы. Кешке жиылған қауым рухани азық алып, әншінің өнеріне сүйсініп қайтты.
