Жаңалықтар

Бүгін Саумалкөл қазақ орта мектебінде 1 қыркүйек - Білім күніне орай «Мектебім - мейірім мекені» тақырыбындағы іс-шара 1 және 11 сынып оқушылары үшін ұйымдастырылды. Мектеп табалдырығын аттаған 48 балақай үшін соғылған алғашқы қоңырау мерекелік іс-шарасын мектеп директоры Меңдігүл Олжабайқызы мен Айыртау ауданының әкімі Меңдыбаев Мейрам Жақсылықұлы ашып, бүлдіршіндерге білім шыңын бағындыруларын тіледі. Салтанатты іс-шараға аудан әкімінің орынбасары Мажгулова Динара Дәулет-Көшейқызы, Айыртау аудандық білім бөлімі басшысының м.а Батырбаева Бұлбұл Қазезтайқызы қатысты. Биылғы мектеп түлектері, ұстаздар және арнайы қонақтарымыз 1-сынып оқушыларына мектебіміздің төсбелгісін тақты. Жаңа оқу жылында барша ұстаздар мен оқушыларға сәттілік, шыдам, шабыт пен биік жетістіктер тілейміз!