Бүгін, мектебіміздің АКТ залында Наурыз – тәуелсіздік және отаншылдық айы аясында Наурыз мерекесіне арналған іс-шара ұйымдастырылды. Ұлттық мерекеге ауданымызда орналасқан 5510 әскери бөлімінің сарбаздары шақырылды. Қайырылымдық концертте мектеп ұстаздары мен оқушыларының өнеріне тәнті болған қонақтарымыз өз ризашылықтарын білдірді.
Келген қонақтарды мектеп директоры Меңдігүл Олжабайқызы мерекемен құттықтап, Отан алдындағы борышын адал атқарып жүрген сарбаздарға ақ тілегін білдірді.
Сарбаздарға наурыз көже мен ақ бауырсақ ұсынылып, Талғат Қасымұлы ақсақалымыз ақ батасын берді.
