Бүгін, мектебіміздің 11-сынып оқушыларымен Ш. Қабылбаев атындағы ІІМ Қостанай академиясының өкілдерімен кәсіби бағдар беру бағыты бойынша кездесуі өтті.
Кездесуге ҚР ІІМ Қостанай академиясы бастығының орынбасары, полиция подполковнигі Мұрзагалиев Марат Серікұлы және полиция майоры Нұрлан Бақытқалиұлы, сондай-ақ Айыртау ауданының полиция бөлімінің ПУИ ЮПТ ЖПҚБ полиция капитаны Қазбекова Ж.В. Айыртау ауданы полиция бөлімінің бастығының орынбасары, полиция подполковнигі Байзақов Ж.Ш. қатысты.
Іс-шара барысында оқушылар академияға түсу шарттарымен, іріктеу талаптарымен, сондай-ақ ішкі істер органдарында әрі қарай жұмысқа орналасу мүмкіндіктерімен танысты.
Кездесудің мақсаты – түлектерге кәсіби бағыт-бағдар беру, мамандық таңдауда көмек көрсету және құқық қорғау органдарында қызмет етуге деген қызығушылықтарын арттыру.
